此blog會轉去http://hk.myblog.yahoo.com/taromanwong 請有時間進去睇睇......

呢個blog會唔用, 請留意

昂坪360??

呢排係大嶼山工作,即大佛附近.......荒山野嶺,冇啖好食....

食午飯都要開車去,煩死人.......

一係去大澳食下d地道野(下次講下有咩好食),一係上寶蓮寺既昂坪360食.有日同d工人去食飯,問我想去邊食,

咁我又唔熟路只想食得舒服d,因為超熱..........想涼下冷氣!!

咁5個人就上昂坪360wo......咁我問佢地,纜車停左,仲有得野食咩??

佢地講有!!!去睇下囉,咁就上左去了.

原來,仲有一些shop係仲有開門做生意,有賣禮品既,食野既,7仔都仲有開,仲有鬼妹穿迷你xxxx.......

咁去食飯la!!好舒服,因為有冷氣!!!! :) 仲有鬼妹同靚女睇(遲下影比你地睇)

結帳時經理講可以出去換飛,我即時諗換咩q野飛呀.....纜車都停左la,仲有得換?!

原來可以換大嶼山巴士返東涌既車飛.......嚇得我呀!!

洗費$50可以換一張,都幾好呀,因為我日日返工d車費真係好金........一程巴士上寶記要成$16

可以save一程,多好啊.....

導風板

一個好平又簡單又直接對氣車水溫有幫助既零件，呢一款水箱導風板係好耐之前已睇中左，終於到左手!!

佢同一般二手市場上冇起級既導風板作用大致相同，只係係我既觀感上靚好多．．．．

其實佢起級既用處唔係冇既，如果你留心睇，可以見到最頂既地方仲有起多左一段，可以貼緊你車頭蓋既隔熱綿，減少有空氣入左車頭從而令佢可以當車行緊時，直接多些冷空氣打進車頭水箱位置，可更加提高效率!!

如果你有用油冷係前面,佢亦可以令你油溫減低既功用!! 不防一試!!

終於靚番!!

係呢幾個月,冇打過咩打臘(洗車都少),特別係呢個月既下雨天真更加冇想去洗白白既意欲......係早幾日終於冇雨了,即日張架車去打下先(一個借口-因為果人要去interview順道姐). 問左老闆話不用深層護理,只要三重就ok!!!
等左4個鐘左右, 個仔可以出番黎....比我一個全新既感覺~好開心!! 有番鏡面見到自己!!

加冰?

好耐冇寫過blog了......心想今次有野可以寫了!!!!!!! 架AE111番黎已經TRD3點式頂bar,感覺上已覺佢好好用又美觀.其實有次個朋友介紹左一款佢用緊既頂bar比我識時, 當時真係打左個突~嘩,個color好吸引.......仲有樣野底死....就係有brake頂附加一起!!! 當時已比佢深深記左係腦海中......... 有日鼓起勇氣問下有冇貨同咩價錢.....點知得出黎既結果係...............................有!!!!但我冇去買.....(唔知點解)%@*%%*@ 過左成年,比佢成日攪住我要我記得(開頭蓋時成日形住佢叫緊我)好驚呀~........ 得la得la,我知la......帶你回家la.....唔好再嘈~ 咁托一些朋友問下..........................點知話冇貨......一係超貴wo............玩咩.....唔好玩我la........佢話冇玩你!!! 咁我只好唉一聲放棄...... 但過幾日有次同一個AE110既朋友去睇野時...我多口問左佢一句,有冇'加冰'頂bar??點知佢講 '有'!!!! 真係比佢吹到啤一聲,個價錢仲唔係貴果隻(係全新,不是二手貨)!!! 我即比錢,一手交錢一手交貨!!! 好開心咁走去回去急急地裝左佢la...... brake頂係可以調教深淺,只需調到適當既位置就可以了! 比brake時穩定些係因為主要唔比佢有虛位,而可令你brake穩定些,從而加高左brake既功效!! 裝好後,可以感覺到引擎倉既空間加大左,又係一個幾好既feeling!!

排死氣......
架車返左黎揸左一排, 又有d心郁郁想攪攪新意思.....都係果d指定動作--換蕉中尾....
係我諗緊換咩上去架車果時,其實心中已有理想既材料....佢唔同AE110 咁方間咁少零件可以裝到上去, 以前AE110只有土砲既死氣蕉可以裝上, 可以話係唯一既選擇!!!但係如果係20v既AE111呢就有好多零件shop都有你想要既野,因為日本仔出左好多零件比AE111用, 咁我地就多左好多好野la......
講番心目中係想要FGK既蕉中尾.......貪佢夠專科....但真真正正找條FGK既蕉又真係好貴, 2手有時都要3千幾....心中不是味兒,咁我只可以找第2個目標HKS啦......
HKS蕉2手平均價都係平過FGK好多, 就咁比我買左啦.....哈哈
用咩中至尾? 更係FGK啦......佢又唔係好貴,因為都係2手....最緊要佢既聲浪唔大.....唔洗行出街好像巡遊咁,要成街人都要望住你, 收視率一流......哈哈,仲可能 有d正義既朋友請你返去佢既寫字樓一起研究下啊....哈哈
講住咁多先la.......

新星出現~AE111 GT

一個好簡單既理由令我睇上左佢........一架普通既4門房車,一個我鍾意既AE110外殼,一個不平凡既內裏機器,一個好靚既又好新既顏色外表,4條好玩既跑呔,4條好靚既racing軨,一套好正內籠......係網上只係睇到呢幾樣野已經叫我有去睇車既意慾......咁坐言起行,唔知佢龍與鳳,睇左先講.......
去到睇左架車, 有晒我基本既要求,例如正廠既包圍,霧燈,音響等等.......當時睇架車d油都好新,音響又好,佢既表面我已評佢好好, 但一睇佢個內籠.......唔係一般GT應有既,係架仔係日本用左半人半機械 (半皮半絲絨) 包左個內籠,前seat位亦一樣,用左Recaro包半皮半絲絨,感覺上好日本feel, 同好似貴格左.......哈哈!! 經車房師傅睇過, 交收左........現在我用緊跟車既A048呔.....之前真係未玩過R呔, 佢真係好好咬.....過灣時唔洗理佢.......硬入即可!!!不過.....下雨時....真係加倍小心.......





遲下再講下架車仲有d咩........哈哈

巨星隕落

再見AE110~~.................
由一架全原裝既家庭房車,經過改裝,加野拆野,到時至以今.不竟佢都陪左我成6個年頭,佢已經有左d野係舊左, 例如車殼d油,已比我日日行高速公路時比石仔打到唔似貓唔似狗,再加上好耐冇同佢打臘..........佢既表面已經好殘.
如果真係要再長揸多一排既話(我真係有咁諗過,亦同朋友講過)............心諗要比錢令佢再度回復美麗既光彩好,定係換過一架好呢......真係要出錢為佢老人家做番保養都唔平,噴油, 修理, 更換已損耗既零件等等....
好多人問我你攪左咁多野,冇唔捨得咩?? 你問我,我一定答你有唔捨得!!仲好唔捨得tim!! 如果比我再改既部份....又唔係好想攪佢( 抬機器, 打滑生死氣).......因為1500cc既車改到咁已經好好玩了, 唔想再攪......
就係月中至月尾期間.......係我無意中上左講2手車既網,比我發現左一架靚仔而又找左好耐車.....