尋找失樂園?
你同我都應該層經玩過既家庭遊戲機'任天堂'(紅白機)!! 二十年前佢既出現令香港好多既小朋友同大人都變成左一班'機'民.....果時既小朋友,現在已經係大人了......懷念嗎? 諗返自己細過果時同朋友仔玩到天昏地暗....成日講既話題都係佢? 更係la....佢真係陪伴你成長架!
上文講左我冇時間寫個blog, 其實呢排成日都尋找番細個果時既感覺,因為現在太大壓力,要比番些空間自己放縱下...心情會好好的!
紅白機當時出既game, RPG既有,動作既有,運動既又有!!包羅萬有,又有雙打既,4打既....真係帶左好多歡樂比果時既小朋友. 當時仲有世嘉同佢對立,結果更係比佢打底左啦.

任天堂既勝出令佢再提升一步,佢再出左部叫超級任天堂,佢令當時想打底佢既世嘉五代再次失敗!證明左佢既努力成功左,佢既games仲五花百門,技術再進一步,佢既games已做到好好了.....龍珠,足球小將係我當時心中最鐘意既games!! 唔好以為我仲有紅白機同超級任天堂係屋企呀!! 如果真係要玩晒所有game,真係唔知幾時先可以玩完.........哈哈!!!

我除左玩家庭機之外,都仲有係屋企玩街機game既.......你叫我去遊戲樹中心比錢打一定唔去,新game有d要成十蚊一次,有d仲二十蚊,以前細個打都係1元.....咁貴既,留番入油好過!! 屋企呢幾年有晒所有以前玩過既街機game!!可以慢慢玩慢慢選擇又可以唔洗錢之餘仲可以打下機,正呀!!

茶包
我都好耐冇攪我個blog, 下雨天冇咩心機攪下架車, 又心思思想攪下架車既保養,咁就選左換個茶包!(其實因為有野玩緊冇時間抽出寫下,下文有提出玩咩!)
咩叫做茶包?,好多人都知,佢只係一個零件術語,佢既真名叫電油泵隔沙. 我部110都成十年車齡,睇怕都未換過,心諗不如由佢落手啦!
見張相已換出黎黃晒既茶包,心諗究竟係電油令到佢咁定真係唔乾淨呢?眼見新既茶包白色,真係好白果隻!!睇睇下都係唔諗啦,動手換吧.......
如果自己想DIY,可以自己動手,其實好簡單,只係抽出個電油泵時小心唔好跌左d野落個油缸到就ok! 仲有小心唔好唔見左隻介子,佢用黎固定個隔沙的!!

如果大家比油架車,頭段又好像唔係幾好力,又大食,可以諗下換左佢試試!!
料既價錢都好平下, 大約$50-60左右, 換左都幾好效果架!