呢個係抬左6速時跟比我果個波棍頭,真係好殘!
唔知點解個波檔d字有咁既顏色係個面到,
諗左好耐點樣可以令佢回復光彩呢?
又諗有冇可能呢......種種問題係個大腦出現.
基於因為已經有個新既波棍頭已經係手,大膽些動手吧............







初步既成果真係令人意想不到,由冇光澤變回有光澤,連果d唔知咩既顏色都唔見左.....波檔既數字亦清晰左!!haha!!
但我仲未心息,想佢可以再靘d......跟住就開工la...











呢個就係我既最後傑作.........比d 跑味佢囉,
用紅色可能會搶眼d,有TYPE R味, 效果都唔錯,可以一試!!
你又鍾意邊款呢?

一個六速頭......
眼見呢個六速頭真係睇唔過眼,雖然佢既操作係正常,但見到佢個波檔既刻度真係十分之殘.....想同佢番新既時候,比我係yahoo拍賣場見到個9x9新既六速頭仲要好死平......咁我個心立即諗唔好番新住la! 買左再有時間先再番新la.....haha!!! 因為買個全新既要$4xx, 我同wilson 既諗法一樣,好Q貴.......




呢個係係YAHOO 得番黎既,感覺精神晒!!

唔講車,又講下我既最愛活動,打wargame!!
唔知點解人人都話'有冇攪錯,通山走,成身野,唔熱死都倦死la'
我又唔覺得wo......打左咁耐次次都好開心,好有挑戰性!
成身裝備,型爆! (打wargame唔係只係通山走ka.仲有室內近戰'CQB' )
男人都離唔開音響,車,槍果d啦,我都係一個正常男人黎,哈哈.
不過成身真正軍用品的確係重左些少既,但佢既顏色真係正好多,唔似果啲狗肉防制品咁死肉酸........


唔知大家有冇打過wargame呢?又有冇諗過想打又冇人陪呢?呢一類既問題好多人都會有.......咁又係既一個人想玩,又冇咩門路,成班自己人一起玩一定好玩d既,有照應,開心好多!!

終於換左個紅線波棍套,個樣都型些少! 好過之前果個黑線套,冇計,要型啲.........但下次要攪下個波棍頭,唔知有d咩係到,好似好殘咁....
又進一步改變咁佢la..........哈哈!

講開音響AV,我就好鬼鐘意日本板既改裝樣,買左部日本衛星導航tv LCD mon, 再買個2din既面板panel 襯下個lcd mon,係TRD shop買果時都驚唔岩位ka......
貨一到,即裝,但好像d位唔fit wo.......個鐵碼上唔到,死火,點好呢,改碼la又改唔到,終於比我cut左個原裝鐵碼,原來我訂少左個2din鐵碼.........為有放住頂住先.個樣同原裝110用既hifi 1din panel唔同左,大左好多,正晒....



裝好左,駁好電打開睇下,入面係可以放一隻CD同一盒錄音帶,
我入面既CD盤唔知點解用唔到....'click'唔到隻CD,當然錄音帶
更係冇試,怕食帶ar. :(








唔講唔知,大家用緊既CD box呢係d LCD mon係用唔到ka,原因好easy,
就係大家用緊既CD box 插頭係圓既, 呢個toyota既插頭係方既,所以我仲要配多個又係日板CD box la..........
連用radio都要用抗頻........煩,但個外表又好靘!






咁個mon更係可以睇 野la.........我就用dvd機駁上個mon 睇dvd碟!
個感覺唔同晒,好清!
唔知點解d日本仔咁新都唔要.........95% new!!!!!! :)
誤打誤撞去找呢d mon,就真係誤打誤撞比我找到呢個 真係110用既原裝mon!!! haha真係好彩!!

香港d車行真係要諗下la,買架新車十幾萬,比d咩單碟機頭我地,不知所謂!!!人地呢d野已經係成10年前既科技la.........

鮑魚大餐你食過未?藍鮑......早排想攪攪架車時,第一時間就諗要攪個殺車野先. 睇下car8比我見到個佢話VR4合ae車用既鮑魚連碟,咁我第一時間就老遠過海找佢la.........再問左係咪真係VR4用,個老闆話一定係VR4......咁咪裝囉, 幾好收! 心想可以放d,話晒都VR4 !!
玩左一排, 去左抬棍仔時,個師傅話唔似VR4 wo...
似三菱sigma既大孖遮..........死火la,唔通比人坤?
唔理la.........收到架車算la,但下次換皮點算呢??

有次個裝音響個老友剛好有110用既日本原裝corolla地毯一套以$200買左比我,就諗還樹都要換,不如要左佢la......質料好正,好厚,好舒服,正!!

GT錶板......
找左好耐,終於找到la.....不過係日本yahoo投返黎,可能你地會話唔洗ar......waste money la....咁咁...
但我真係好鐘意佢咁獨特既蜂巢形既錶底.
係我未抬六速棍仔時,因為未有信心可以找到合我用既波箱,自動波錶板真係好合我心意佢仲有個車外溫度計tim :)三月尾到la!
當我抬好左六速波箱時已經係棍波車la,咁順便係TRD shop訂番個GT錶板既面蓋轉番棍仔樣,點知佢同我訂miss左........真慘.... 又要找日出去再訂...:(

我用緊既冷光錶板.......以前好鐘意佢有幾種色可以轉!

今日終於'的'起心肝裝個雷神連地線........裝既時候拆番以前DIY既地線la,點知到個電池頭負極果時,原來個銅夾已經霉到斷左............ 唔通上次裝車機時比佢攪掂左?
死la....返緊工點去買ar,終於偷偷地出左去買, 上水$18 2個有d貴囉....
又唔夠時間去裝地線,只有裝左雷神算la.......因為原來要買個薄夾駁個負極先有位駁d雷神地線%&@#...........
效果點?怠轉定左好多,高齡車係咁ka la.........
音響好左,subwoofer 出得好左囉,燈又光左!!!
記得買正貨ar!!!

p.s. 特別唔該豪哥幫忙!!!!